Tu âs cirût la peraule
monolengâl
torne indaûr

monolengâl

virtût s.f.
(vir-tût)
Disposizion morâl che e puarte l'om a fâ il ben, a jessi onest, just, a rispietâ lis normis morâls
sinonims
capacitât, cristianitât, cualitât, don, dote, dreture, merit, possance, probetât, recuisît, valence, valôr
esemplis
"e alore privazion, erôr, vizi nol è altri che mancjance di bontât, di virtût, di veretât"
gjavât fûr di "Vieri e gnûf" di Pieri Piçul
virtût s.f.
(vir-tût)
Inte morâl sessuâl tradizionâl, il jessi vergjin prime dal matrimoni o il jessi fedêl te relazion matrimoniâl
sinonims
castitât, dreture, onestât, probetât, vergjinitât
esemplis
"o ai pierdude la virtût cence lâ a messe… ahahahà…"
gjavât fûr di "La aghe da pît la cleve" di Dino Virgili
virtût s.f.
(vir-tût)
Capacitât, ancje di alc di inanimât o imateriâl, di produsi consecuencis, di vê efiet
sinonims
capacitât, eficacitât, facoltât, fuarce, podê
esemplis
"inte gnot di sant Zuan il cocolâr di Moruç al bute fûr lis fueis e al inmanie lis coculis. E je chê rosade che e à virtût di fâlu menâ"
gjavât fûr di "La rosade di sant Zuan" di Catarine Percude
"fossial destin de vite lambicade, / fossie virtût di implastris e decots, / fat al è che murî a cent agn di un sfuarç, / sence cognossi miedis ne spiziârs"
gjavât fûr di "L'amâr di Udin" di Ercole Carletti
detulis
"a impaçâsi cun canaie, si piert dute la virtût"
"bisugne fâ di necessitât virtût"
"la pazience e je la virtût dal mus"
"la pazience e je une grant virtût"
"necessitât e fâs virtût"
"nuie nol fâs tant mâl che il vizi vistût di virtût"
"si scuen fâ di necessitât virtût"
torne sù