SuperDizionari

monolengâl

vistîsi v.pron.tr., v.pron.intr.
(vis-tî-si)

Cuvierzi se stes o une part dal propri cuarp cun vistîts, ancje sielzint daûr dal gust, de mode, de occasion e v.i.

esemplis

""Vistissiti ben, di no inmalâti!""

gjavât fûr di "Sul florî" di AAVV

"vie pe setemane [la int] e lavorave vistude dîs de vore, e la domenie si vistive di fieste par fâ fieste"

gjavât fûr di "I furlans e la mode" di Riedo Pup

"[i venezians] jevavin a misdì, si vistivin galandins, si slicavin, a bevevin cafè"

gjavât fûr di "Sant Marc" di Catarine Percude

"une fantate alte e scarmuline, ma ben finide come une rose o une pavee [...], che in paîs no 'nd jere une compagne, pal mût di fâ e di vistîsi"

gjavât fûr di "Cjase di Dalban" di Maria Forte

Viôt ancje: viestisi, viestîsi, vestîsi

vistîsi v.pron.intr.
(vis-tî-si)

Cuvierzisi di alc come se al fos un vistît (fig.)

sinonims

cuvierzisi

esemplis

"butui che a si spalanchin sot i voi, ramaçs che a si vistissin di floridure de sere ae buinore, jerbe che al pâr di sintîle a sbisiâ"

gjavât fûr di "Lis predicjis dal muini" di Josef Marchet

"al strice di neveâ cun chê bueresine che e taie... Doman la planure si vistirà di blanc"

gjavât fûr di "Friûl di Invier" di Dino Virgili

detulis

"cui che al vent stope si vistìs di sede e cui che al vent sede si vistìs di stope"

"doi nûts no si puedin vistî"

"mangjâ a gust so e vistîsi a gust dai altris"

"mangjâ a mût so e vistîsi a mût dai altris"

torne sù