Tu âs cirût la peraule
monolengâl
torne indaûr

monolengâl

vistît adi.
(vis-tît)
Che al à i vistîts intor
esemplis
"“Compre un doi tocs, cun chel costum li no tu cjapis nancje soreli, tu sês dute vistide”"
gjavât fûr di "Jo e Graziella" di Mario Beltramini
"Vigjut si butà jù vistît te sô brande di stranc e si indurmidì come un len"
gjavât fûr di "Tal bosc di Kebespok" di Pieri Menis
vistît adi.
(vis-tît)
Che al à intor une cierte sorte di vistiari, daûr dal gust, de mode, de occasion e v.i.
esemplis
"biele vile, tante robe, femenute fine e ben vistide che e sa cemût ricevi i amîs impuartants, chei che dopo ti tornaran cont"
gjavât fûr di "Alc si è rot" di Antescûr
"la spagnole e veve fat murî tancj di lôr, e la int e jere pal plui vistide di neri"
gjavât fûr di "Dome la cjampanute di Sant Bortul" di Maria Forte
vistît adi.
(vis-tît)
Cuviert di alc (fig.)
esemplis
" al veve scugnût partî pes Gjermaniis a lavorâ te fornâs, tune valade strete, dute vistide di boscs di pins"
gjavât fûr di "Sul agâr" di Pieri Menis
"una grant stansia vistida di rosi e di vert"
gjavât fûr di "La scuela da li rosi" di Novella Cantarutti
torne sù