SuperDizionari

vive inter., s.m.
(vi-ve)

Esclamazion di auguri di ogni ben, di aclamazion, contentece, sodisfazion, trionf e v.i.

esemplis

""Brâf!... brâf!... Vive!..." Ducj ti si jevin in pîts, a batin li mans, a pestin cu li bocis pa taule, a fan un davoi"

gjavât fûr di "Prefazion di Instoriis e liendis furlanis" di Ugo Pellis

"e cjants e vives tun soreli come pleât dal garbin che al displumave i lens"

gjavât fûr di "Cjase di Dalban" di Maria Forte

"la sô vôs e vignì scjafoiade di un sclop di vivis in onôr di Shrapnel"

gjavât fûr di "Tal ospedâl" di Amedeo Giacomini

vive inter., s.m.
(vi-ve)

Auguri cuant che si bêf alc

sinonims

cin cin, profacie, salût

esemplis

"jevât in pîts, cu la tace in man al berghelà: «Vive la amicizie!»"

gjavât fûr di "La cjase di Toni" di Tarcisio Venuti

""[...] Cumò bevìn!... Vive el Friûl!…" "Vive!""

gjavât fûr di "Viaç a Vignesie" di Arturo Feruglio

vive inter., s.m.
(vi-ve)

Espression di salût cuant che si cjatisi cun cdn. o cuant che si lassisi

sinonims

salût, mandi

esemplis

"«Buna sera, cristian.» «Viva!» «Ce vêvo? Rot il cjar?» «No, al è lui [il cjaval] che al è strac»"

gjavât fûr di ""Sì che i vevi na marosa"" di Novella Cantarutti

"va vie la comitive... / Vive Çorut, evive!"

gjavât fûr di "Il mio tratament" di Pieri Çorut

monolengâl