Tu âs cirût la peraule
monolengâl
torne indaûr

monolengâl

vizi s.m.
(vi-zi)
Disposizion usuâl al mâl, ae imoralitât, soredut intune maniere specifiche
sinonims
abiezion, depravazion, mâl, mende, pecje, vuast
esemplis
"tes cjasis dai siôrs, massime di vendemis, si sbranfe e si gjonde, e Tinorio al imparà prest ducj i lôr vizis"
gjavât fûr di "L'oseladôr" di Catarine Percude
"e alore privazion, erôr, vizi nol è altri che mancjance di bontât, di virtût, di veretât"
gjavât fûr di "Vieri e gnûf" di Pieri Piçul
vizi s.m.
(vi-zi)
Costum negatîf une vore inlidrisât, dificil di molâ
esemplis
""Siôr, o vin il vizi di bevi… une vore… a dutis lis oris… e dut il timp dal an." [...] "Uh ce brut vizi che o vês. No savêso che il vin nus fâs deventâ nemâi! [...]""
gjavât fûr di "Beâts i viei" di Riedo Pup
vizi s.m.
(vi-zi)
Costum usuâl, che si pues calcolâ un difiet o un fastidi o une strambarie, ma che nol fâs pardabon dam
esemplis
"al è un pôc di timp che ancje i furlans a àn cjapât il vizi di sglonfâ lis bufulis fintremai che a sclopin"
gjavât fûr di "Lis predicjis dal muini" di Josef Marchet
"puar gno pari al veve il vizi di saltâ fûr ogni tant, tal discors, cun cualchi peraule taliane"
gjavât fûr di "Mondo birbo" di Meni Ucel
vizi s.m.
(vi-zi)
Detai, element di imperfezion
sinonims
difiet, mende, magagne, tare, picagne, pecje
esemplis
"Antoni Beline al denunziave gravis deficiencis e vizis tal lavôr inmaneât"
gjavât fûr di "Dizionari (e no dome): vonde doprâ il non di pre Toni" di Glesie furlane, La Patrie dal Friûl
vizi s.m.
(vi-zi)
[TS] (dir.) Mancjance di une carateristiche che i gjave validitât a un at juridic
esemplis
"un contrat, perfet. Nissun vizi di forme"
gjavât fûr di "Tal non di Raffaella afârs e guviers" di Riedo Pup
"a vevin disfat il so matrimoni par vizi di origjin"
gjavât fûr di "Il dolfin" di Carlo Sgorlon
detulis
"cjaval cence vizis nol vâl nuie"
"cui che no i comande al vizi, il vizi i comande a lui"
"il cjaval restîf nol lasse il vizi fin che al vîf"
"l'ozi al è il pari de miserie e dal vizi"
"la bolp e lasse il pêl ma il vizi no"
"la bolp e mude il pêl ma il vizi mai"
"nuie nol fâs tant mâl che il vizi vistût di virtût"
"un vizi al clame chel altri"
"vizi di nature si puarte in sepulture"
torne sù