Hai cercato la parola
monolingue
Torna indietro

monolingue

vot s.m.
Numar naturâl che al ven daspò dal siet e prime dal nûf e segn che lu rapresente
esempi
"siet e vot cuindis"
da "Marilenghe gramatiche furlane" di Zuan Nazzi Matalon
""Sîs" "Siet" "Vot" "More" "El pont l'è mio!""
da "Se la prime mi cjoleve" di Dolfo Zorzut
vot adi.num., pron.num.
In cuantitât di siet unitâts plui une, ancje cun valôr sostantivât o cun sostantîf sotintindût
esempi
"la Bete i da un «mandi» tant che al ves di tornâ doi dîs dopo, là che invezit al sarès tornât vot mês dopo"
da "Rosaris" di Meni Ucel
"al vûl dî che o sarìn in vot o in dîs a mangjâ"
da "I grumâi di agne Lene" di Jaio Furlanâr
"La scachiere e je une taule cuadrade cun vot caselis par bande, in dut 64"
da "Zuìn di scacs" di Nilde Teresa Negro
vot s.m., s.m.pl.
Otave zornade dal mês
esempi
"a van a Deinice intune vecje casermete taliane molade dai fassiscj cul vot di Setembar"
da "Storie di Min" di Ivano Urli
vot s.m.
Otâf an intun secul
esempi
"i fruts plui dispatussâts, un sîs di lôr, che a jerin dal 1905, dal Siet, dal Vot"
da "Come tai romançs" di Alan Brusini
vot s.m.
Vôt scolastic che al pant une buine valutazion
esempi
"cjapâ vot tal compit in classe"
vot s.m.
Cjarte di zûc contrassegnade cul numar vot o cun vot elements
vot s.f.pl.
Otave ore dopo di miezegnot
sinonimi
vot di matine, vot a buniore, vot di buinore
esempi
"al partive di Talmassons une vore adore par jessi in citât prin des vot"
da "I dincj" di Angelo Covazzi
vot adi.inv.
In indicazions di timp, te stesse zornade, ma une setemane dopo
esempi
""A riviodisi a vuê vot""
da "Il dint" di Angelo Covazzi
""O tornarai vuê vot che prime no pues""
da "Pipeta Sclagarot" di Andreina Nicoloso Ciceri
"«Cuant ese che i tu si maridi?» «Sabida vot.»"
da "Paron Salvadi" di Novella Cantarutti
"«Domenie e je sagre a Magnan; vâstu a sagre a Magnan?» [...] «E domenie cu ven vot e je sagre a Bueriis [...]»"
da "Misure" di Meni Ucel
proverbi
"l'amôr propri al mûr vot dîs daspò di un galantom"
"se nol cjante ai siet o ai vot, o che al è muart o che al è cuot"
Torna in Cima