SuperDizionari

monolengâl

vuate s.f.
(vua-te)

[TS] (pescj.) Rêt a sac, cun bocje in forme di semicercli, che si strissine sul fonts par cjapâ pes

esemplis

"ca e là, par la aga, si viodeva galegjâ cualchi rimusui di cogois, di casons, di fossignis, di vuatis, di rêts"

gjavât fûr di "Il me paîs" di Federigo Comelli

"al meteve adun i sghirei pai gjambars, cui vencs e cualchi blec di sachere, al pontave la vuate, al justave lis nassis che al poiave sot lis rostis di pantan"

gjavât fûr di "Il vivi al è chel rangjâsi" di Maria Forte

"a vevin cossis plenis di clepis e aurins, parcè che intant che a polsavin vuatis e canìs si jerin emplâts di pes"

gjavât fûr di "Microrivoluzions" di Stiefin Morat

Viôt ancje: guate

vuate s.f.
(vua-te)

Imbroi, pericul, insidie, situazion negative li che si pues colâ cence visâsi o cence che al sedi facil o pussibil vignî fûr (fig.)

sinonims

rêt, trapule

esemplis

"cun Carlin Muraie al jere colât te vuate di chel imbroion ancje un siôr de Basse"

gjavât fûr di "Chei di Muraie" di Pieri Menis

"jo o lavi, ma par colâ inte vuate di gno fradi Toni che al jere in vuaite daûr de puarte e che mi faseve la gjambadorie par rivâ a tirâmi lis strecis"

gjavât fûr di "Trê feminis" di Gianni Gregoricchio

"«L'è il capo dai sbiros. / Cumò sin te vuate!»"

gjavât fûr di "Ai Piombi" di Romeo Battistig (?)

"e capì che cui che al finive te vuate dai todescs no si salvave plui"

gjavât fûr di "Cjase di Dalban" di Maria Forte

torne sù