Tu âs cirût la peraule
monolengâl
torne indaûr

monolengâl

vuere s.f.
(vue-re)
Conflit militâr, ancje cun iniz. maiusc. te indicazion di un fat storic specific
esemplis
"la vite i veve fat provâ la vuere cui siei pericui, cul so vivi e murî par dibant, nome par dâ seont a chei cuatri cerviei malâts che le vevin volude"
gjavât fûr di "Il muc" di Roberto Ongaro
"al timp de vuere dal 15, lis feminis chi ator e vignivin a Tresesin a tirâ il sussidi par vie dal om soldât"
gjavât fûr di "Amîs come prime" di Alan Brusini
"al à fate, tai alpins de Julie, la Grecie e la Russie, campagnis tremendis de Ultime Vuere"
gjavât fûr di "Il conducente" di Ivano Urli
Viôt ancje: guere
vuere s.f.
(vue-re)
Situazion di contrast ancje dûr ma no armât jenfri grups, societâts, aziendis e v.i. (fig.)
esemplis
"dutis lis risorsis, lis fuarcis, il cerviel, i bêçs, i mieçs di ogni cualitât a son lâts straçâts par dibant intune vuere sterpe e stupide fra partîts"
gjavât fûr di "Preambul rusin" di Josef Marchet
vuere s.f.
(vue-re)
Impegn une vore fuart a pro o cuintri di cdn. o di alc (fig.)
sinonims
campagne
esemplis
"o ai vinçude la bataie, ma no crôt che e sedi stade decisive par vinci la vuere de salvece de lenghe"
gjavât fûr di "Memoriis di politiche linguistiche" di Adrian Cescje
"la vere reson di cheste vuere da la industrie e dal capitâl cuintri la autonomie, e je la pôre di viodi rotis chês cjadenis di camore"
gjavât fûr di "La unitât de camore" di Josef Marchet
vuere s.f.
(vue-re)
Conflit interiôr di sintiments, pinsîrs e v.i. (fig.)
sinonims
bataie, contrast, lote, scuintri
esemplis
"e jo cu la muse viarte no voi fâ pi l'amôr / e jo che ai la vuere dentri il côr"
gjavât fûr di "Klostris" di Mitili FLK
detulis
"adore a marcjât e tart a la vuere"
"bêçs a menin vuere"
"bisugne lassâ lâ il mâl jù pai malâts e la vuere jù pai soldâts"
"cui che al è stât in vuere al po contâlis"
"cui che al va in vuere al mangje mâl e al duar par tiere"
"cui che al vûl salvâ la panze pai fîcs che nol ledi in vuere"
"il bon soldât si lu cognòs in vuere"
"il brâf soldât si lu cognòs in vuere"
"in timp di vuere di cent une di vere"
"in timp di vuere nissune di vere"
"in timp di vuere ogni arme e scuse"
"in vuere si va cun doi sacs: un par dâlis e un par cjapâlis"
"la cjavre che no fasi vuere cul leon"
"la cjavre no po fâ vuere cul leon"
"la piore no po fâ vuere cul leon"
"la vitorie e je nemie de vuere, il scomençâ de pâs"
"nol è negozi in tiere che al puarti plui dam de vuere"
"par un soldât no lassin di fâ vuere"
"une pâs par fuarce e je segrete vuere"
torne sù