Declarazion di volontât in procediments di elezion e deliberazion
esemplis
"[tes elezions ragjonâls dal 1983] il Moviment al conservà plui o mancul i vôts dal 1978"
gjavât fûr di "Memoriis di politiche linguistiche" di Adrian Cescje
"intal 1509, Carli V al rivarà a fâsi elei imperadôr comprant i vôts dai grancj eletôrs cui bêçs dai banchîrs todescs Fugger"
gjavât fûr di "La invenzion dal stât" di Fabian Ros
"in Municipi a Udin, ai 29 di Novembar dal 1998, cun passe 60% dai vôts al jentre il furlanist Sergio Cecotti, za president de Regjon"
gjavât fûr di "Cuintristorie dal Nûfcent 1990-2000" di Angelo Floramo
vôts.m.
Tal ûs scolastic, valutazion numeriche dal rindiment dai arlêfs
esemplis
"vaî par piçulis robis, come une note a scuele o un brut vôt"
gjavât fûr di "Sul florî" di AAVV
vôts.m.
Spec. tal pl., impegn a rispietâ une regule religjose
esemplis
"[il frari] al dismenteà il so stât, il so vistît, il so vôt, al spalancà i braçs, al strenzè sul so pet chê figure alte e biele ancjemò, e al poià i lavris sun chei cjavei"
gjavât fûr di "La Madalene" di Zuan Lurinçon
vôts.m.
Promesse di fâ un ciert at di cult religjôs, di caritât o di rinunzie o di donâ a di un santuari o sim. un alc par une gracie o par jessi diliberât di un mâl
esemplis
"un canai sui trê agns che al zuiave dongje il poç, vistût di frari [...] i vevin dite che al jere par vie di un vôt che la none e veve fat a Sant Antoni co il frut al jere colât te vascje dal comut e lu à salvât nome un miracul"
gjavât fûr di "Par stradis lungjis" di Alan Brusini