Tu âs cirût la peraule
monolengâl
torne indaûr

monolengâl

zûc s.m.
Ativitât di divertiment, che e pues compuartâ abilitâts particolârs e che pal solit e va daûr di regulis precisis
sinonims
divertiment, mateç
esemplis
"lis robis di ogni dì, il zûc, i compits, la spese di fâ tes buteghis, i lens di sclapâ, e vie discorint"
gjavât fûr di "Il dolfin" di Carlo Sgorlon
"i plaseve la taçute dal vin e il zûc des cjartis"
gjavât fûr di "Il tinel" di Pieri Somede dai Marcs
"[i fruts] in chê volte no vevin ducj i zugatui di cumò, ur tocjave rangjâsi, inventâsi i zûcs"
gjavât fûr di "Sul florî" di AAVV
"o sin chi par zuiâ che il balon al è un zûc che se o devi vaî o voi a vaî in fabriche"
gjavât fûr di "Donald dal Tiliment" di Stiefin Morat
Viôt ancje: zôc
zûc s.m.
Tal pl., manifestazion sportive in plui garis
esemplis
"Olimpie e costituìs un riferiment de civiltât umanistiche tra i Elens parcè che e propon la sfide dai zûcs al puest de vuere"
gjavât fûr di "Viaç aes origjins dal Logos" di Adrian Cescje
zûc s.m.
Tal pl., spetacul di abilitât
esemplis
"mi à insegnât a sunâ parcè che compagnàs i zûcs e i bai che la compagnie e faseve su lis placis"
gjavât fûr di "Mame..." di Pieri Somede dai Marcs
zûc s.m.
Ativitât che e previôt une part di fortune li che si scometin bêçs
sinonims
zûc di azart, azart
esemplis
"intune citât siore tant che Vignesie, il zûc, il vizi e la pocje voie di lavorâ a fasin vivi tancj di lôr a sdavàs vie"
gjavât fûr di "Friûl e furlans te Histoire de ma vie di Giacomo Casanova" di Pierluigi Visintin
"i veve ancje domandât bêçs par Ricut che al veve pierdût al zûc"
gjavât fûr di "La tiere di Lansing" di Maria Forte
zûc s.m.
Ogjet fat par zuiâ
sinonims
zuiatul
esemplis
"lis frutatis invezit, trê une daûr la altre, si jerin rangjadis benon, prime cun zûcs e pipinis, po cui barbis che ur vevin simpri dât il lôr afiet"
gjavât fûr di "Chei di Muraie" di Pieri Menis
zûc s.m.
Dinamiche o efiet che si fonde sul mudament, sul contrast e sim.
esemplis
" il zûc dal aiar al tacà a impiâ [su la aghe dal mâr] grandis maglis di grispis, ce scuris, ce claris"
gjavât fûr di "Int no consumade" di Agnul di Spere
"intant che jê e cjalave inmagade chel zûc di lûs e scûr, lui al vierzè il baûl"
gjavât fûr di "Un piçul particolâr" di Fabian Ros
zûc s.m.
Robe fate par ridi o par fente
sinonims
scherç, mateç
esemplis
"chei zûcs no fasevin mâl a nissun, anzit: a clamavin lis scusis, lis bussadis, lis cjantadis e la ligrie"
gjavât fûr di "Faliscjis" di Cristina Noacco
zûc s.m.
Robe une vore facile di fâ
sinonims
zughet, zûc di lodulis
esemplis
"convinci Bastian a vendi a lui, al sarès stât un zûc, stant che chel al voleve dome bêçs e no i interessave gran di ce bande che a saressin saltâts fûr"
gjavât fûr di "Il sium di Lissandri" di Franca Mainardis
zûc s.m.
Dinamiche dificile di dominâ, li che a jentrin ancje fortune, casualitât, ecuilibri di fuarcis diferentis (ancje spres.)
esemplis
"Cavedalis al scugnì pleâsi e cussì, ancjemò une volte, al fo cjapât dentri tai zûcs de politiche"
gjavât fûr di "Zuan Batiste Cavedalis - Une vite esemplâr" di Giovanni Pillinini
"o varìn un guvier di tabaiots [...], o varìn un zûc soterani di intesis, di marcjâts, di diretivis par tignîsi parsore aghe a ogni cost"
gjavât fûr di "Se e larà drete" di Josef Marchet
zûc s.m.
[TS] (mec.) Mecanisim che al regole un cualsisei moviment
esemplis
"il zûc dal campanel"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
zûc s.m.
[TS] (venat.) Sisteme o complès dai sistemis par tirâ dongje i uciei e cjapâju
esemplis
"pre Zuan di sigûr, / a preparâ la tese, al è sul lûc, / cui siei franzei famôs e al plante il zûc"
gjavât fûr di "Pre Pieri miserie" di Emilio Nardini
zûc s.m.
[TS] (sport) Frazion di une partide
esemplis
"vinci un set par sîs zûcs a cuatri"
detulis
"fortune in amôr e puarte fortune al zûc"
"l'om si lu cognòs in trê robis: tal zûc, tal matrimoni, tal test"
"Nadâl al zûc e Pasche dongje dal fûc"
"ogni biel zûc al stufe, ogni bon pan al fâs la mufe"
torne sù