SuperDizionari

zone s.f.
(zo-ne)

Estension di tiere o di spazi plui o mancul grande cun carateristichis o cundizions gjeografichis, economichis, aministrativis e v.i. particolârs o individuât in cualsisei maniere daûr di un ciert criteri

sinonims

localitât, lûc, paîs, puest, sît, teritori, tiere

esemplis

"cuissà se difûr e sarà nome un freghenin di lûs, forsit tes zonis plui altis, su la ponte de Bernadie, dal Cuarnan, dal Cjampon, o forsit nancje là sù"

gjavât fûr di "Amîs come prime" di Alan Brusini

"inte logjiche de cortine di fier il Friûl al jere zone di confin strategjic"

gjavât fûr di "Un Friûl difarent: i 90 mhz di Onde Furlane" di Max Mauro

"dal 15 al 17 di Setembar tocjà viodi dute la int de zone dal taramot a partî par lozâsi a Grau, a Lignan, a Bibion"

gjavât fûr di "Cuintristorie dal Friûl dal 1866 fint in dì di vuê" di Francesc Placerean

"la cuistion de convivence tra furlans e sclâfs, in chê zone [in provincie di Gurize] e je za une vore scotante, plui ancjemò di chel che no sedi te provincie di Udin"

gjavât fûr di "Friûl orientâl e autonomie regjonâl" di Josef Marchet

zone s.f.
(zo-ne)

Setôr, categorie individuade daûr di un ciert criteri (fig.)

sinonims

aree, fasse, part, porzion, toc, trat, setôr, classe, categorie

esemplis

"grandis zonis di lessic neologjic tecnic specialistic atualmentri vueidis"

gjavât fûr di "Memoriis di politiche linguistiche" di Adrian Cescje

zone s.f.
(zo-ne)

[TS] (gjeogr.) Fasse climatiche de Tiere

esemplis

"se no fos [la circolazion atmosferiche], lis zonis ecuatoriâls a saressin cetant plui cjaldis e chês polârs cetant plui fredis di ce che a son"

gjavât fûr di "Notis di meteorologjie pal Friûl - Vignesie Julie" di Stefano Micheletti, Marcellino Salvador

zone s.f.
(zo-ne)

[TS] (anat.) Part di un orghin o struture ben limitade

esemplis

"lis zonis de scuarce dal cerviel che a fermin lis memoriis declarativis, a comencin a madressi daspò i doi agns e a finissin di fâsi a la fin de pubertât"

gjavât fûr di "Il cjâf dai furlans" di Franc Fari

zone s.f.
(zo-ne)

[TS] (sport) In plui zûcs di scuadre, tatiche di marcadure li che ogni zuiadôrs al controle une part dal cjamp e no un zuiadôr aversari

esemplis

"zuiâ a zone"

zone s.f.
(zo-ne)

[TS] (milit.) Teritori delimitât daûr des operazions militârs

monolengâl