SuperDizionari

zontâsi v.pron.intr.
(zon-tâ-si)

Rivâ in plui rispiet a alc o a une cuantitât che e je za

sinonims

inzontâsi, sumâsi, metisi dongje

esemplis

"la pôre dal doman si zontave a la vergogne di jessi li a slungjâ la man come un puar"

gjavât fûr di "Prime di sere" di Carlo Sgorlon

"l'episodi al è cetant incuietant e al va a zontâsi a dute une schirie di atacs che il podê legâl al stave fasint aes autonomiis che la int des tendopolis e veve otignût"

gjavât fûr di "Cuintristorie dal taramot" di Igor Londero

"tai agns Setante, [a chês altris grafiis furlanis] si zontarin chê di Scuele Furlane e [chê] di Giorgio Faggin, codificade tal Vocabolario della Lingua Friulana dal 1985"

gjavât fûr di "30 agns di grafie uficiâl de lenghe furlane: il percors" di Adrian Cescje

zontâsi v.pron.intr.
(zon-tâ-si)

Metisi dongje, in maniere di unîsi o di stâ tacât

sinonims

inzontâsi, leâsi, peâsi, tacâsi, unîsi, cometisi

esemplis

"la vie di Aquilee si zontave cun chê che e vignive di Concuardie, prin di dividisi tes dôs stradis par Virunum e par Aguntum"

gjavât fûr di "Protostorie e storie romane in Friûl" di AAVV

"jo o volarès, come chê leture che o vês sintude vuê, che i vues de Cjargne si zontassin tal puest just, par che a tornin a jevâ sù e a vivi."

gjavât fûr di "Il popul furlan al à ancjemò nostalgjie des robis bielis e santis" di Francesc Placerean

zontâsi v.pron.intr.
(zon-tâ-si)

Metisi dongje di altris personis o elements, formant une compagnie, un grup, une comunitât e v.i.

sinonims

dâsi dongje

esemplis

"Pieri ju cjalà par un moment ma no si zontà al trop"

gjavât fûr di "Tal ospedâl" di Amedeo Giacomini

"i trê si jerin zontâts a altris fantacins di Trivignan e a jerin lâts in vuere… in vuere cuintri chei di Viscon!"

gjavât fûr di "I nemîs" di Checo Tam

zontâsi v.pron.tr.
(zon-tâ-si)

Zontâ alc par se stes o cun reciprocitât

esemplis

"e fitave cjamaris par zontâsi alc ae pension che i veve lassade l'om"

gjavât fûr di "I forescj" di Alan Brusini, Gian Paolo Linda

monolengâl