Tu âs cirût la peraule
monolengâl
torne indaûr

monolengâl

zontâ v.tr.
(zon-tâ)
Fâ une sume o meti une cierte cuantitât par rivâ a une sume
sinonims
sumâ, azonzi
esemplis
"al à un librut [...] dulà che, se al zonta i solts di Viea, al salte four un numar che al imbarlumìs"
gjavât fûr di "I cjans di not" di Novella Cantarutti
"cent e otantedoi francs e sincuantesinc sentesins, servizio compreso. [...] O spudi lis cjartis di dîs une a la volte. Al numar disevot o zonti i doi francs e sincuantesinc"
gjavât fûr di "Viaç a Vignesie" di Arturo Feruglio
zontâ v.tr.
(zon-tâ)
Meti in plui, meti dongje di altris elements de stesse sorte o di altre sorte
sinonims
meti, meti sù, rionzi, inzontâ
esemplis
"la man blancje di cjalcine e zonte clap su clap, modon su modon cuntune ande sigure e seguitive"
gjavât fûr di "La aghe da pît la cleve" di Dino Virgili
"cualchi setemane fûr dal mont par fâ un lavôr che al zonte ponts ae mê cariere"
gjavât fûr di "I forescj" di Alan Brusini, Gian Paolo Linda
""Lat sì; ma par contentâti o ai zontât un got di cafè, ma sôl un got, tu sâs che il miedi ti à ordenât di no cjoli ni cafè, ni licôrs""
gjavât fûr di "Un pugn di moscjis" di Pieri Somede dai Marcs
"cuant che lis verduris a son ben smoladis, zontâ une tace di salse di pomodoro"
gjavât fûr di "Cusine etniche, parinte strete de cusine furlane" di Margherita Timeus
zontâ v.tr.
(zon-tâ)
Dî, o ancje scrivi, comunicâ e v.i., alc in plui
sinonims
inzontâ, meti dongje
esemplis
"i triestins a stan di gale come che a son: a sberghelin a fuart «Trieste all'Italia» e po a zontin plui planc: «…il più tardi possibile!»"
gjavât fûr di "Sot di nissun" di Josef Marchet
"cence zontâ nuie altri, lu brincà par braç e lu sburtà fûr"
gjavât fûr di "Trê feminis" di Gianni Gregoricchio
zontâ v.tr.
(zon-tâ)
Meti dongje di une paratiche, di un messaç, di une spedizion e v.i. alc che nol è l'ogjet principâl ma che al pues coventâ o zovâ
sinonims
meti in zonte, inzontâ
esemplis
"al zontà ae denunzie la fotografie de disparide e si indi le cun chei documents firmâts in man"
gjavât fûr di "Un piçul particolâr" di Fabian Ros
"o vuei che ancje chest document al sedi zontât al verbâl di cheste riunion e che al sedi doprât se si pues pe difese de Regjon cuintri dal ricors presentât"
gjavât fûr di "Memoriis di politiche linguistiche" di Adrian Cescje
zontâ v.tr.
(zon-tâ)
Meti dongje un cun chel altri plui elements, plui parts, ancje fasintju deventâ un complès sôl
sinonims
cometi, coneti, conzonzi, meti dongje, peâ, tacâ, unî
esemplis
"[al jere il plan di] zontâ Çarvignan e la Basse cu la provincie di Gurize, par cjapâ dentri Monfalcon in chê di Triest"
gjavât fûr di "Cuintristorie dal Friûl dal 1866 fint in dì di vuê" di Francesc Placerean
"zontâ i fîi da la urdidure"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
torne sù