Hai cercato la parola
monolingue
Torna indietro

monolingue

zornade s.f.
(zor-na-de)
Dade di timp jenfri la jevade dal soreli e la gnot, ancje caraterizade pe sô stagjon, pal so timp meteorologjic, pe ativitât che si fâs e v.i.
sinonimi
dì
esempi
"la zornade e finìs tune lûs rosse che e sbrisse vie pegre e incjantade su lis robis"
da "La tiere di Lansing" di Maria Forte
"[sot Nadâl] lis zornadis a son curtis, dispès al tire aiar e al è frêt"
da "Perdon o imbroi?" di Pieri Menis
"si fasevin i fens: un cjalt che al brusave la anime, e lis zornadis plui lungjis dal an"
da "Pe bocje si scjalde il for" di Catarine Percude
zornade s.f.
(zor-na-de)
Complès des oris e des ativitâts di vore di une dì
sinonimi
dì
esempi
"par chei doi strics che i tu à tu, a ti bastin dodis zornadi par stagjon"
da "Paron Salvadi" di Novella Cantarutti
"i voleve une zornade buine a cusî un camuf o un bindel"
da "Marum" di Pieri Menis
"zornade flape: pocje int in zîr, cualchidun a domandâ e nissun a comprâ"
da "Baratâ" di Angelo Covazzi
zornade s.f.
(zor-na-de)
Date dedicade a alc
sinonimi
dì, fieste
esempi
"il vot di Març e jere la "zornade de femine""
da "Ombris tal infinît" di Carlo Sgorlon
"tra mancul di un mês e sarà une altre volte la zornade dai 3 di Avrîl, la “Fieste de Patrie dal Friûl”"
da "La Patrie, la Fieste e la propueste di leç regjonâl" di Marc Stolf
zornade s.f.
(zor-na-de)
[TS] (sport) Ognidune des dadis di incuintris di un campionât
sinonimi
dì
esempi
"il Pordenon al zuie une partide discrete ancje cuintri dal Vicenza e ae fin il risultât al è scuasit compagn de prime zornade di campionât a Lecce"
da "Vicenza – Pordenone 1-1" di Marc Stolf
"i àn pûr dât 4 zornadis di scualifiche"
da "Interviste a Dino Zoff" di Christian Romanin
proverbi
"a Sant Tomâs e je la zornade plui curte"
"al cjante il gjal vie pe zornade, al è il diaul che al è par strade"
"Diu mieze zornade le passe a fâlis, e chê altre mieze a dâlis"
"finide la zornade, finît il lavôr; finide la gnot, finît il ripôs"
"il predi in miezore al vuadagne la zornade"
"lune pelose zornade ploiose"
"nol è nuie plui a bon presi des zornadis"
"ogni dì e passe chê zornade"
"se si vûl savê la zornade, si cjale la matine"
"vuê la vee, doman la zornade"
Torna in Cima