Al è il feminin dal non di persone Àgnul. No sin dacuardi cu la ipotesi che al sarès un diminutîf di agne (CI 28), forme cence riscuintris tal lessic furlan, ni scrit ni orâl. Cognon che al somee jessi forgjarin (= di Forgjarie) tipic, ma presint ancje a Udin e a San Denêl. Tal Schedari Corgnali: 1369 Agnola moglie di Simon di Pramperg. Tal Schedari Biasutti: 1754 Veneria Agnola di Leon. q. Simon q. Leon. q. Silvestro da S. Rocco Forgaria sposa Filippo Coletti (Filze); 1787, ai 3 di Lui Agnola Giobatta di Antonio da S. Rocco Forgaria nato nel 1752 abita da 7 anni a Incaroio (Filze).