Al è di divignince puliese, cun plui precision barese. Stant a cualchi autôr al divignarès, come il simil Abbrescia, dal non talian de citât di Bressie, Brescia, cu la A- iniziâl di rinfuarç tipiche dal Sud continentâl. Stant a Caracausi 1993, invezit, chescj cognons a rapresentaressin la italianizazion dal adietîf etnic arbërèsh, ven a stâi “albanês", doprât par identificâ se stes dai abitants di lenghe albanese de Sicilie e de Italie meridionâl. Tignude cont la aree di distribuzion la seconde ipotesi e pâr preferibile in maniere nete (CI 6). Presint a Pordenon.