Al à tant che fonde il non di persone Accórso, une vore comun te ultime Ete di Mieç, formât dal sostantîf accórso, variante antighe di soccórso “jutori", ma plui dispès al è l’ipocoristic di Bonaccórso, non congratulatori. Al è dut câs un non augurâl metût a un fi une vore spietât e desiderât, soredut dopo de pierdite di un fi precedent, che al rapresente un jutori e un sostegn afetîf, o ancje economic, pai gjenitôrs (De Felice, 1978). Presint a Gurize. Si cjate tes provinciis di Cosenza e Bologne. Tal Schedari Corgnali: 1301 Acorsio de Osoppo filio d.ni Aluvradi; 1558 Accursia – genealogia Savorgnan.