Cognon ben rapresentât tal comun di Davâr. Intun testament dal 1370 scrit a Luvincis, frazion dal comun citât parsore, si fâs riferiment a un cjamp in Agarinis nella tavella di Ovaro. Te seconde metât dal Tresinte, o prins dal Cuatricent, Agarinis al veve za di denominâ personis se in chê dade di timp un Agarinis di Davaste al le a stâ a Mion; ancjemò tal 1497 si pues, però, lei intun document (A. Roia) Giacomo di Roja ha in Agarinis e, tal 1505, Jacobus de Roija possidet in Agarinis… Tal 1500 Agarinis Nicolò q. Leonardo da Mione è teste in Udine (Biasutti). Agarìn al è diminutîf di agâr “ingjâf tra dôs cumieris" o, in mont, “canalon". La forme Agarinis, plui che un plurâl, e pâr une latinizazion notarîl. Tal 1412 Nicolò figlio di Francesco Agarini da San Giacomo di Ragogna.