Dal non di persone compagn, cun significât augurâl. Tal 1292 Amato da Udine notaio; tal 1461 Amati Nicolò cerdone q. Giacomo Amati da S. Vito al Tagliamento (Biasutti). Intal Schedari Corgnali: 1346 Amato de Gradisca a Spilimbergo; 1416 donna Amata a Siest. Al è un dai cognons talians plui difondûts. Si lu cjate a Puart e a Udin.

Dal adietîf amatore deventât non di persone doprât te Ete di Mieç; il sens al è chel di “amant, che al ame" e, in aree cristiane, “cui, che al ame Diu" (CI 59). Si cjate a Codroip, ma al è un cognon di altris bandis de Italie setentrionâl (areis di Vicence, di Rimini, e v.i.). Tal 1523 Ser Antonio de Amatoribus de Cremona abit. Udine (Corgnali).

Al è l’ecuivalent dal non di persone Amato, par furlan amât. Tal Schedari Corgnali: 1719 Domenico D’Amat di Fanna; 1938 a Fane a son 4 fameis Amat cul sorenon Coraduzzo. Al pâr che al sedi endemic di Fane.