Dal non di persone Lancillotto, un dai cavalîrs de Taule Taronde (par chest viôt La Stella 1993, 212); il L- iniziâl al è colât parcè che al è stât interpretât tant che un articul determinatîf. O pûr di Ànzil (viôt) cu la zonte dal sufìs -òt. Vicario 1999 al ripuarte un Ser Ancilot de Strasot e al da cheste spiegazion: “Ancillotto, salacor di un Johannes di tramit gjermanic e sufìs incressitîf furlan –ottus, duncje Giovannotto". Intal Schedari Corgnali: 1248 Anceloti filii q. Rubini de Godo; 1312 d.ni Ançelotti de Canipa; 1323 Anceloti de Utino; 1348 Ancillottus de Monteregale; 1484 Iacobus q. Ancillotti de Illegio, notaio in Zoppola; 1543 Ancilotto de Pasian – Popaite. Tal 1499 Ancilloto notaio figlio di m.° Girolamo Sarto cittadino di Spilimbergo (Biasutti). Cognon massime toscan. Si lu cjate a Udin. In comun di Danon il toponim Case Ancillotti (IGM).