Dal non di persone Andrea cul sufìs, forsit incressitîf, che si cjate ancje in Bertòs (Bertossi), Cataròs (Cattarossi), Carnelòs, Martelòs, Bottòs, e v.i. Tal 1645 Andreosso don Paolo a Cividale (Biasutti); 1657, ai 25 di Març Ser Biasio Andreosso cavallaro in Udine di anni 25 – trovato morto per 4 pugnalate avanti la casa del Sig. Antonio Piccoli (Morti Redentore). Andreòs al è presint a Udin, Andreosso a Fossalte, San Michêl dal Tiliment, Pordenon.