Forsit di (J)anese, une des tantis trasformazions dal non di persone latin Johannes “Giovanni" (Castellarin, 1992); o pûr di Anèse variante di Agnèse: tal Obituari di Tresesin Matthias faber de Fregellaco et Anes filia eius (OT 158). In provincie di Trevîs a son, però, dôs localitâts che a podaressin vê contribuît: Annèse a Refrontolo e Dalanèse a San Giacomo, no lontan di Vittorio Veneto (Olivieri, 1961). Chest cognon al è presint a Pordenon, Concuardie, Vildiflum, Puart (culì il toponim Casa Anese inte mape IGM), Gruâr, Setim di Cint, Fossalte, Cjons, Fontanefrede, Danon, Cintiel di Tei, Pradipoç di Puart, Pramaiôr (ancje culì il toponim Casa Anese inte mape IGM), Sumaghe di Puart.