Cognon massime meridionâl, al è râr in Friûl (Pordenon, Tarcint). Al podarès vê tant che fonde il toponim L'Aquila in Abruç, ma ancje il sostantîf aquila “acuile”, dât di sorenon par resons soredut metaforichis peadis al voli fin, al nâs acuilin, ae rapacitât o a altris carateristichis che si ricognossin a chest uciel (CI 85).

Si cjate a Monfalcon e a Grau; al rive de Istrie (Bonifacio 2010, 587). Dal non di persone Aquilante, variante de forme medievâl di Agolante, dal francês Agolant, personaç sarasin dal cicli epic carolin, tornât a jessi etimologjizât par influence di aquila (CI 85). Intal 1540, 17 di Fevrâr Ser Sebastiano Bolzano da Marostica abit. a Venzone – adotta come figlio ser Aquilante della Padula napoletano con la moglie e la figlia equiparandolo ai propri figli (Filze).