Di asìn, etnic riferît ai abitants de antighe plêf di Vît (comuns di Vît e Clausêt). Tal Schedari Corgnali: 1295 Hendrici Axini de Dardaco; 1296 Asin quindam de Glemona; 1462 Nicolaus Asini de Maiano; 1496 Urbano q. Ant. Asini de Maiano. Cognon cumò râr a Adorgnan (Tresesin) dulà che al è documentât dal Sîscent (1679 Domenico Asìno, e v.i.). Si cjate tant che stracognon in tancj paîs. I toponims Asìn e Asìns in comun di Clausêt.