SuperDizionari

Barba

Di un sorenon dât a une persone caraterizade di une barbe grande, o fisse, o particolâr. Cognon soredut dal Sud Italie; presint a Gurize.

fonts

1367 Gudrigutius dictus Barba de Purcillijs (Corgnali); 1506 Zuan Danel de la Barba da Villa nova fittuale Sigg. Popaite (ASU Popaite 2.1); 1560 Natalis del Barba a Codroipo (Corgnali); 1749 Antonio Barba d’Azzano (ASU CRS 22); 1761 Antonio del Barba di Cornino (ASU CRS 209).

Barbacetto

Pal NP barbacêt, par cjargnel barbacéit, al vûl dî “lûc pustot, invadût dai lavaçs di Sant Zuan". Chescj ca si clamin, in efiets, ancje barbace. Si trate, duncje, di un microtoponim. Tant che prove di chest, o ripuartìn ce che al scriveve Giovanni Gortani in “Patria del Friuli" dai 24.11.1904: “A Zovello fin dal 1300 esisteva una famiglia Di cuell; nel 1477 questa famiglia si chiamava De Colle. Un ramo d’essa possedeva dei beni nella località detta Barbacéit, presso Zovello. Nel 1544 questo nome locale si trasformò in Barbaceto…". Intal 1477 in villa de Zovello, in loco dicto Barbazeyt (Dell'Oste, 1999). Intal Schedari Biasutti o cjatìn che dal Sîscent a son tancj i Barbacetto a Zuviel: cheste frazion di Ravasclêt e da acet ancjemò a un bon numar di De Colle e di… Barbacetto. Cumò il cognon al è presint ancje a Paluce. I aficionados dal Manzoni si visaran che, fra lis tantis “malis jerbis" che a invadevin il vignâl bandonât di Renzo, al jere "il tasso barbasso, con le sue gran foglie lanose a terra, e lo stelo diritto all’aria, e le lunghe spighe sparse e come stellate di vivi fiori gialli…"

fonts

1628 don Nicolò Barbaceto da Zovello al è predi (ACAU); 1714 Elena di Leonardo De Colle q. Pietro q. Leon. da Monaio sposa Pietro di Gerol. Barbacetto (Filze); 1778 Domenica di Osvaldo q. Pietro Barbaceto da Zovello sposa Zuanne di Dom. da Ravoreto (Filze).

Barbaglia

Cognon di Desemon Disot e di Maiâs, tal comun di Enemonç, cun spiegazion che e reste incierte (De Stefani 2003, 272).

Barbana

Plui che de isule tal comun di Grau, al vignarà di Barbane tal Cuei, Barbana pri Fojani (SLO). Sul finî dal Cinccent, in efiets, un Barbana di Piuma a Gurize. Presint a Staranzan, Monfalcon, Tierç di Aquilee, Gurize.

fonts

1493, ai 5 di Jugn divisione tra Giacomo e fratelli q. Franc. nobili de Barbana abit. Cividale (ANU 3885); 1501, ai 20 di Otubar Pietro e Giorgio q. Franc. di Barbana nobili di Cividale vogliono ricorrere a Massimiliano re dei Romani contro molestia del Gastaldo di Cormons (ANU 727); 1577 Simon Barbana Juratus Communis Bagnaria (ASU Zucco 59).

Barbangelo

Di barba “barbe", o ben il parint, e dal non Angelo. Al è cetant râr, e slargjât tal Meridion, di indulà che forsit al rive, ma a vuê presint massime tal Nord (CI 150). Si lu cjate a Gurize.

Barbara

Dal stes non feminin. Sporadic in Friûl, al è un cognon soredut sicilian, in particolâr de provincie di Trapani, e si lu cjate in cualchi aree de Italie meridionâl.

fonts

1465 Ser Jacobi de Barbara civis Civitatis Austriae, teste Utini (ASU Zucco 58); 1590, ai 29 di Avost Valentino di Barbara q. Canciano da Cortale abitante in Rizzolo – in porzione sedime Monast. S. Chiara Udine (ACR 622/2); 1620, ai 12 di Setembar Giovanni Barbara a. 21 di Giacomo q. Pietro da Mortegliano – il padre gli fa patrim. eccl. (Extraordinariorum).

Barbaresco

Di un adietîf che al segnave i Arabics e i Môrs presints in variis zonis talianis dal secul VIII fin ae ete moderne (De Felice, 1978). Presint a Pordenon, Vildiflum e Preusdomini. In plui che in Friûl, chest cognon si lu cjate in Venit e in Piemont.

Barbariccia

Di un sorenon cun significât evident. Presint a Monfalcon.

Barbarino

Diminutîf dal non di persone Barbaro (viodi). Za tal NA si cjate un Dominicus Barbarinus de Bagnaria. Pai Barbarin presints une volte a Çopule, la spiegazion e je diferente stant che e rimonte al non di mistîr "barbîr" (1422 Francisco de Barberio, de Zopola; 1423 Francisco Barberino de Zopola; 1460 Antonio Barberino; 1461 Antonio Barbitunsore) che, inte tarde ete medievâl, al indicave ancje cui che al esercitave pratichis pseudomedichis (Barbarin a son vuê presints a Cordenons). Par Resie, dulà che chest cognon al è endemic, viodudis lis atestazions dal Sîscent, par es. 1657 Barberino a S. Zorç di Resie (Corgnali), 1678 Dom.ca figlia di m.° Antonio Barberino di S.to Georgio sposa m.° Pietro figlio di Zuane Negro di Stolvizza (ASU CRS 288/6) e dal Sietcent (1743 Domenica di Zuanne q. Leon. q. Zuanne Barborini di S. Giorgio), si podarès pensâ ancje a une derivazion dal non feminîl Barbara (viodi Barborini); po dopo: 1780 Zuane di Mattio q. Zuane q. Zuane q. Antonio Barbarino da Resia S. Giorgio sposa Domenica Longin di S. Giorgio (Schedari Biasutti). Presint a Udin. Barbarino al è ancje cognon sicilian e campan (CI 151).

Barbariòl

Probabil diminutîf di Barbaro (viodi). Si lu cjate a Lavorêt e a Monfalcon.

fonts

1604 Bortolomio Mazzon (o Miazzon) Barbaruol et Donna Oria Sua moglie, fittuali Sigg. Popaite (ASU Popaite 6.4); 1636 Jseppo Barbarol di Rovoredo sotto Porzia fittuale nobb. Colloredo (ASU Perusini 568.2); 1651 Menego Barbarolo di Roveredo sotto Porcia, teste (ASU Perusini 741); 1743 Ser Gio. Batta q. Pietro Barbariolo (o Barberol) di Rovereto di Porcia (ASU CRS 410); 1776 don Simone Barbarioli coop. di S. Marco Pordenone (ACR 368/4); 1794 confessore ordinario Agostiniane Spilimbergo a £ 372 al semestre (ACR 492/3); 1792, ai 16 di Novembar m.° Gio. Batta Barbariol q. Dom.co da Roveredo Porcia (ACR 410/2).

Barbaro

Par De Felice 1978 al è un cognon difondût pal plui intal Sud, e in maniere sporadiche intal Nord, al à origjins e tradizions diviersis, che dispès no si puedin plui identificâ e distingui. Ae base a puedin di fat jessi il non latin Barbarus, formât dal adietîf barbarus che, in origjin, al voleve dî “barbot“, ma che dopo al à significât “forest", o un sorenon etnic, formât di bàrbaro, che al podeve indicâ sedi i varis individuis e grups gjermanics che si son logâts in Italie inte alte Ete di Mieç, sedi i no cristians, e massime i Arabics e i Môrs presints in variis zonis talianis dal secul VIII ae etât moderne. Intal Schedari Corgnali: 1339 presb. Barbaro de Fanna Canon. Concordiese; 1556 fra Tiberio Barbaro procurator del Convento di S. Lucia di Udine; 1569 Zuan Barbaro de Quals. Presint a Cjaurlis, Pordenon e Udin (si lu cjate tes provinciis di Vignesie e di Trevîs, in plui che intal Meridion de Italie).

fonts

Dal Cuatricent indevant in Friûl a son une lungje schirie di Barbaro, tant che Patriarcjis, Lutignints, Proveditôrs, e v.i., rivâts di Vignesie. 1510, ai 27 di Dicembar Gio. Antonio Barbaro Provveditore di Cividale (ANU 727); 1613, ai 19 di Setembar Francesco Barbaro patriarca – era in S. Daniele (Filze); 1563 Matrimonio e patti dottali tra il nob. Gio. Batta Panigai et la Mag.ca Sig.ra Zuana fu Cl.mo Ser Franc. Barbaro (ASU Panigai 215); 1615, ai 21 di Avost Francesco Barbaro patriarca – era in S. Vito (Filze); 1618, ai 20 di Fevrâr Antonio Barbaro, f.llo dei patriarchi – era venuto Generale dell’Armi nella Patria del Friuli (Guerra di Gradisca) – (Filze); 1678, ai 22 di Novembar Per la nascita di un figlio al Provv. Giacomo Barbaro, in Consiglio di Pordenone delibera un dono di 40 ducati (Candiani, 1902); 1715, ai 13 di Març Angelo Barbaro di Giovanni da Udine S. Giacomo (Filze); 1756 Maso del Nob. Barbaro d.° di Madama da Gorgo, in Lison (ASU CRS 498/2); 1762 Antonio Barbaro notaio di Udine (ASU); 1781 Nob. Sig. Alessandro Barbaro, fittuale della Fraterna di San Rocco di Morsano di Prata (ASU CRS 291); 1796, ai 11 di Lui Zorzi Barbaro Provv. e Capitano di Pordenone (ACR 368/3); 1816 muore a Sacile Angela Barbaro di Giovanni di anni 71, tessitrice, nativa di Castel Franco (A.P. Sacîl); 1866 Campagna del 1866: Marco Barbaro, volontario di Pordenone accorso in difesa della Patria, Milite (Candiani, 1902).

Barbarotto

Incressitîf di Barbaro (viodi). Presint a Brugnere, Pordenon e Rivignan (si lu cjate ancje tes provinciis di Palermo e di Enna).

Barbasso

In venezian antîc barbasso al jere “il non di une specie di gaban che a doprin lis feminis" (Boerio, ae vôs barbazzòn). A Cividât, tal 1490, al è documentât un Denel de q. Zuan Barbas. Intal Schedari Corgnali: 1535 Bertholum Barbassium a Cavalicco; 1559 Bernardin de Domeni Barbas de Chiavalì. Presint a Pordenon (al è ancje cognon sicilian carateristic de zone di Agrigento).

fonts

1452, ai 17 di Març Giovanni Barbasso da Cavallicco – citato perché aveva tagliato raclos in prat di selva in Cavallicco di proprietà di Nic. Savorgnano retto da Indrico di Cavallicco e anche in Silva di Valo di Cavallicco (ANU 3877); 1494 Daniele, Mattia e Giacomo Barbassi da Orcenigo superiore – fittuali monast. Cella Cividale (ANU 731); 1533 Dom.co Barbas de Cavalico, fittuale Coo. della Torre (ASU Della Torre 38.3); 1562 Zuà de Dom.go Barbas et F.lli, fittuali in Cavalico dei Coo. della Torre (ASU Della Torre 29.16); 1573 Paolo Barbas di Predeman massaro dei Coo. Ottelio (ASU Romano 5).

Barbato

Di barbe, cuntun sufìs che al è tipic venit. Presint a Pordenon. Al è cognon venit (provinciis di Padue e di Vignesie). Il cognon identic campan, molisan e sicilian al sarà une continuazion dal non latin barbatus “barbon" (CI 151).

fonts

1471 Franc. Barbato de Bonzaninis q. Ser Matteo di Udine notaio (AB); 1472 Antonio Barbato notaio di Udine (ASU); 1525, 18 sett. ... doctoris d. Alexandri Bonzanini q. ser Barbati notari de Utini (Della Porta 1991, 553 Curtine); 1528, ai 2 di Lui Ser Antonio Barbato f. q. probiviri ser Nic. de Clericis Forno di Sopra abit. Udine contrada S.M. Maddalena – testa: ai ff. del f.llo ser Floreano in Forni tutti i beni pat. e mat. e la casa dello zio Michele in piazza da lui comperata (notaio Serafino q. ser Andrea de Bugattis de Mandello citt. di Udine); 1578 Antonio Barbato q. ser Floriano del chierico (= Clerici) notaio Forni Sopra (AB); 1736 M.° Franc. q. Jseppo Barbato di Aviano (ASU CRS 17/1).

Barbazza

Probabil dispreseatîf di barbe e, duncje, in origjin, al sarà stât un sorenon. Slargjât intal Venit, presint a Montreâl e a Udin.

Barbàn

Barban al pues jessi un tiermin di parintât che al vûl dî “barbe" (Johannes barbanus Picoli in SL), ma a formâ chest cognon al podarès vê partecipât ancje il non di un centri abitât: Barbano di Grisignano di Zocco in provincie di Vicence. Presint a Pordenon, Palaçûl e Gurize (carateristic di cualchi aree venite). De Stefani 2003, 253-254 al segnale la sô presince tal passât a Çurçuvint: 1505 Jacobo Barbani de zerzevento superiori.

fonts

1621 Magistro Petro q. Bartholomei Barbani de Nimis incola Torlani, fittuale Confr. della B.V. dei Battuti di Nimis (ASU CRS 297/1); 1691, ai 7 di Novembar Giovanni Barban da Smirne – turco fatto cristiano – soldato in Palma nella Comp.ia del Capoleva Aran Bassà Simon Polich sposa Eva q. Andrea Iura da Sora nel Cragno (Extraordinariorum).

cognons