Salacor di Bàrbure “Barbara" cuntun sufìs diminutîf. Cheste ipotesi e je provade pai Barburino di Cortâl (comun di Reane) graciis aes atestazions cjatadis tal Schedari Biasutti: 1541 m.° Nicolò e m.° Canciano q. Giovanni della Barbora da Cortale; 1638 m.° Zuane q. Leonardo di Canciano della Barbora da Cortale; 1675 don Leonardo Barburino di m.° Gio. e Anna da Cortale; 1716 Gio. Batta Barborino de Barbura di m.° Canciano q. Gio. Batta q. Giovanni da Cortale. Nel 1327 Barnusino fabbro q. Giac. Barborino da Buja – teste in Gemona (Biasutti).
Presint a Torse di Pucinie come Barborini (atestât tal 1899) e a Reane in dutis dôs lis formis.
fonts
1740 Rev.do Angelo e F.lli Barborini di Cortale (ASU CRS 399/1); 1845 Pietro di Batta Barborini fittuale Chiesa di Rizzolo (ASU Perusini 115); 1932 la famee di Bruno Barborini, pitôr, nassût a Torse tal 1924, si trasferìs a Latina, dulà che e scomence la sô ativitât di artist (Nazzi, 1992).