Salacor al è un peioratîf di Caìn, un non che za di se al è negatîf, che al pues jessi stât doprât tant che sorenon. Al è mancul probabil che al vegni di caìn “vuicade, berli che al fâs il cjan cuant che lu pachin". Tal Cinccent a Glemone al è il cognon/sorenon Caini: 1568 Johannina Frincischina filia Francisci Caini; 1575 Natalia Frincischina filia Francisci q. Laurentii dicti Cayn (Tomat, 2001). Si lu cjate a Cjassà.