Si pues metilu in relazion cun Calvo, sorenon cuntun significât clâr, che al è deventât ancje il non di une persone (De Felice, 1978). Dut câs, nol è di meti in bande il non di persone Galvano. Rapelli 1995 al à une interpretazion diferente: al podarès vignî di un sorenon  *Calvano par dî di une persone che e ven des monts de Calvana a Nord di Prât (Toscane), o di une persone nassude a Moncalvo (Asti), o a Calvi te Umbrie (Terni), o a Calvi in Corsiche, o a Calvo frazion di Ventimiglia (Imperie). Tal Schedari Corgnali: 1278 D.nus Calve de Spegnimbergo; 1291 Henricus D.ni Calve a Glemone; 1319 D. Calvanus de Maniaco; sec. XVI Ser Hector de Calvagnis a Sacîl. Si lu cjate a Udin.