Par Olivieri 1923 al varès di jessi un sorenon che al vûl dî “cjalce diferente". Par Rapelli 1995 al derivarès di un sorenon venit *Calza-vara par dî “(persone che e à miôr la) cjalce scure a maglis claris". Plui articolât al è Soranzo 1996: “cognon che al è difondût une vore tra Padue, Campodarsego (PD), Pianiga, Mira, Mirano, S. M. di Sala, Spinea (VE); in pratiche, il vincjesim cuint a Vignesie, cuntune coincidenze particolâr cu la zone principâl de manifature di vuê des scarpis e des piels. Duncje, po stâi che il cognon al vegni di un apelatîf che al à a ce fâ cul ambient dai artesans. Calzavar al è documentât tant che sorenon dal secul XIII (Stefano detto Calzavara al è dal 1263): si si pense che al sedi componût di calza e dal feminin di varus “varot", “pelice grise di sghirat siberian" e, duncje, “vistît, tabâr fat di varot", une vore doprât te Ete di Mieç." Te nestre regjon si lu cjate a Pordenon e a Udin.