Al è clâr che al ven di un microtoponim; ma, in tancj câs, al è une vore probabil che al sedi un di chei cognons che si davin ai nocentins dai orfanotrofis, clamâts “case grandi” (Fadelli, inf. pers.). Par De Nardin e Tomasi 1991 “chest cognon al è tipic dai nocentins dal Votcent tal Venit setentrionâl, di Casa Grande = orfanotrofi, tal sens di “Cjase grande de Pietât". Al è presint tal Venit, ma ancje a Pordenon, Sacîl, Codroip, Cjanive, Fontanefrede, Gurize, Udin, Purcie, Pasian, San Quarin, Davian, Daçan, Brugnere. Il toponim Casa Casagrande si lu cjate a Sacîl e a Pasian (IGM).