Al è probabil che al sedi il diminutîf di cas “vistît di femine cence maniis" (Boerio) e daûr dal NP “gjachete, corpet doprât des feminis di mont" (dut câs, che si viodi ancje Cassìn). In OT 154 olim Casutti de Vendas. Si lu cjate a Udin, Martignà, Pagnà, Pavie, Paulêt. Tal Schedari Biasutti o cjatin che tal Cinccent i Cassutto o Cassutti a son cetancj a Risan: 1581 m.° Daniel Cassuto da Risano fabbro ferraio abitante a Pozzuolo; 1608 Daniele Cassutto da Pozzuolo fabbro prende in affitto il Battiferro fuori porta Grazano dall’Ospedale di Udine per 28 ducati. Tal Sîscent a son a San Denêl e massime a Pagnà: 1657 m.° Francesco Cassutto di Pagnacco fabbro e rodaro compera terra da Sebastiano q. Angelo Botto da Castellerio. Tal Sietcent si ju cjate a Tavagnà (1752 Giacomo Cassutto q. Giorgio da Tavagnacco fabbro).