Al ven di Cjastenêt che par talian al vûl dî “castagneto" (bosc di cjastenârs); al è un microtoponim avonde difondût (une prove di chest e je dade dal fat che in tancj somarions dal Catastic napoleonic di Peonis, tal comun di Trasaghis, la stesse localitât e je clamade sedi Castenetto che Chiastenet). Al è clâr che la grafie plui juste e sarès Casteneto.
Cognon di Cjassà (1679 don Giacomo Castenetto; 1697 Ser Nicolò q. Antonio Castenetto degano di Cassacco; 1714 Valentino Castenetto), soredut di Conoglan, dulà che al è il borc Cjastenêt; al è avonde presint a Tresesin, Paulêt (Seorgnan); al è a Montenârs, Trep Grant, Manzan, Udin: 1722 Giacomo Chastenet moltaro della vicinia di borgo Prachiuso (Masutti 1991).
Tal comun di Merêt di Tombe si lu cjate te forme Castenetti.
fonts
1364 Hermano de Casteneto a Feagne (Corgnali); 1500 Chiastinèt a Cjassà (Corgnali); 1557 Nicolaus Chiastinet in Vicinia Chiassachi (ASU Perusini 728.3); 1576 Joannes q. Dominici de Castenetto Potestas Comunis et hominus Cassaci (ASU Perusini 728.3); 1653 Eredi del q. Zuanne Cestenedo di Cassacco fittuale nobb. Colloredo (ASU Perusini 694.3); 1673 Giacomo Chiastenet della Vicinia del Comune di Vendoleo (ASU CRS 837); 1674 Carlo Castenetto dell’Altare del SS. Crocifisso di Tricesimo (ASU CRR 526/1); 1678 Battista q. Giac. Castenetto di Cassacco, teste in Tarcento (ASU CRS 516); 1703 Nicolò Castenetto, giurato di Raspano (ASU CRS 400/1); 1703 Gio. Batta Castenetto di Fragelaco, teste in Raspano (ASU CRS 400/1); 1728 Eredi q. Carlo ed’Antonio Casteneto di Cassaco, fittuali Fraterna B.V. della Consolazione di Cassacco (ASU CRS 41); 1751 Ser Gio. Batta Castenetto, confratello B. V. Immacolata di Qualso (ASU CRS 399/1); 1817 Carlo Castenetto di Gio. Batta nato in Savorgnano di Torre nel 1784, sposa Domenica Picino di Dom.co di ivi (A.P. Seorgnan).