Come Cernèt (viodi). Al è presint a Gurize. Tal Schedari Corgnali: 1459 Zuan Cerna a Udin; 1535 Mathia loco Cerna Pichin de Jassiza; 1591 Mathias Cerna de Azida.

Si lu cjate a Faedis. Si fonde sul adietîf sloven č(e)rn “neri", par dî di une persone che e à i cjavei neris scûrs, o che e je scure di piel. Tal 1931 a jerin 9 fameis Cerneaz tal comun di Faedis (Corgnali).

E je une forme onomastiche che e ven dal adietîf sloven č(e)rn “neri", par dî di une persone che e à i cjavei neris scûrs, o che e je scure di piel. Cognon tipic di Monfoscje, tal comun di Pulfar (Zuanella, Dom, 13, 1990). Tal 1794 Cernet al è presint a Cividât (Corgnali).

Al è stât formât a partî dal adietîf sloven č(e)rn “neri", cu la zonte dal sufìs -è, un sorenon (che dopo al è deventât ancje un cognon) che al corispuint al talian moro, moretto. De forme Černè (il gjenitîf al fâs Černéta) cun zontât il sufìs -ič (scrit culì -ig) si è fat il cognon patronimic Cernetig che al vûl dî “fi di Cernè ". Chest cognon si è difondût une vore ta dutis lis Valadis dal Nadison e si è mantignût fin vuê tal comun di Stregne, massime te localitât di Cernetig (Zuanella, Dom, 13, 1990). Di culì si è sparniçât tes valadis di San Lenart, a Cividât e te planure furlane (Zuanella, Dom, 10, 1988).