Cognon di Lusevare (16 fameis tal 1938). Tal 1710 Domenico di Andrea q. Zuanne q. Marino Cerno da Lusevera sposa Maria Pivetta (Biasutti). Al ven dal non di persone Črn che - se o volìn tradusi cuntun altri cognon - al podarès corispuindi a Moro o Negro. A dîle dute, tal stes comun di Lusevare, al è difondût il cognon Negro, che al tradûs propit Cerno (viodi ancje Negro). Si pues viodi ancje Dapit 2001. Tal 1299 domino presbitero Cerno vicario de Venzono (Moro, 1991). Une curiositât, che salacor e à a ce fâ cu la emigrazion: a Culture, tal comun di Polcenic, duncje avonde lontan des zonis de nestre regjon li che si fevelin lenghis slavis, un branc de famee Cosmo al à il sorenon Cerno (Fadelli, 1995).

Come i>Cernotta (viodi). viodi ancje Cerno. Al è presint a Paulêt.

Tipic des valadis dal Nadison. Za tal Sîscent al jere presint te rive di man drete dal Nadison (Pean, Spignon, Tarcete, Cras) e a Cueste di Vernassin te Val di Savogne di Cividât. Il cognon Cernóia, al ven dal adietîf sloven č(e)rn “neri" cul probabil sufìs -olja, dopo ridot cun -oja, che in origjin al jere il sorenon di une persone scure di piel o cui cjavei neris (Zuanella, Dom, 14, 1990).

Tes vals dal Nadison a son vignûts fûr plui cognons slovens derivâts dal adietîf č(e)rn “neri". Al fâs part di chest grup ancje Cernotta / Černôta che al è un dai cognons tipics di Cusize / Kôzca fat dal adietîf di fonde č(e)rn plui il sufìs -ota. Cernotta, prime di deventâ un cognon, al jere il sorenon par une persone di piel scure o cui cjavei neris. Insumis, si podarès fâlu corispuindi ai cognons talians Del Negro, Negrello, Moro, e vie indenant (Zuanella, Dom, 14, 1990). Tal Schedari Corgnali: 1363 Cernuttus q. Jacobi de Prosenich; 1397 Cernutan de Ponteglà a Cividât.