SuperDizionari

Cher

Cognon di Lusevare. Par Merkù 1982 salacor al podarès vê a ce fâ cul sloven krt “farc" (i dialets slovens di Resie e de Tor a elidin dispès lis consonantis finâls, massime cuant che a son daûr di une altre consonante licuide); duncje sul imprin al sarès stât un sorenon. Par Dapit 2001 la realizazion fonetiche cun e sierade (Kér) no poie cheste ipotesi.

fonts

1627, ai 10 di Novembar don Gregorio Cher era pievano nella Carniola Superiore (Extraordinariorum); 1715, ai 14 di Otubar Ser Gio. Batta Cher q. Biasio da Lusevera servo del co: Bartol. Frangipani canon. Udine (ACR 516/1); 1749 Antonio di Pietro q. Marino q. Dom. Sinicco da Lusevera sposa Marina Cher (Filze).

Chersevani

Come Kersevan (viodi). Si lu cjate a Gurize.

Chersi

Cognon di Monfalcon che al ven de italianizazion di un prin Chersich. Chest al è il sloven Kržič, che al ven dal non di persone Kržè, forme curte di Križman, che al corispuint al talian Cristiano, cu la zonte dal sufìs -ič (Merkù, 1982). Nel 1801, ai 11 di Novembar don Gio. Maria Chersich sac. della diocesi di Trieste gli era proibito celebrare e predicare in diocesi Udine (Atti Cap. 88). Biasutti: al veve 55 agns e si faseve passâ par capelan des armadis imperiâls.

Chersicla

Al è presint a Gurize (a 'nd è di plui a Triest).

Chersovani

Come Kersevan (viodi).

Chersìn

Cognon di Grau che cun probabilitât al vûl dî di un che "al ven de isule di Chers".

Cherubìn

Al ven di Cherubino, non di persone che al ricuarde i Cherubini de religjon cristiane e duncje si lu dave ai frutins par metiju in maniere simboliche sot de protezion di chescj agnui, o pûr parcè che a jerin "biei come Cherubins" (Rapelli, 1995). Te Chanson de Roland l'agnul Cherubino al ven jù dal cîl, adun cui arcagnui Michêl e Gabriel, par lâ incuintri ae anime di Orlando. Tal 1415 ser Cherubino quondam Pilutti de Utino (Masutti 2000, 188). Tal 1422 ... tavella di porta di Cividat (di Udin) appresso lis dos cros appresso lu terren di Cherubin (Della Porta 1991, 344). Al è presint a Darzin (ma al è un cognon venit).

fonts

1417 Charubino a Udin (Corgnali); 1534 don Daniele Carubino d.° Cherubin della Serafina da Udine offic. in S. Cristof. (ACR 720/2); 1567, ai 19 di Avrîl don Bonifacio Cherubino da Trani curato di Pavia chiede braccio secolare contro don Valentino da Cussignacco già scomunicato (Civilium), tal 1569, il prin di Jugn esige da don Michele Durigatti q. Dom. da Chiopris l’affitto della parrocchia per il 1568 di duc. 40 e 2 paia capponi (Extraordinariorum); 1594, ai 16 di Setembar Cherubino detto Rubins da Pavia di Udine andava ad arare con 4 buoi e 1 ronzina (AB); 1675, ai 29 di Dicembar Sig. Lelio Ottavio Cherubini da Macerata abit. nella fortezza di Marano (Mandatorum); 1678, ai 8 di Zenâr abit. in Udine testa (ACR 31 Bresse); 1758 Eredi Curubin di Arzene, in luogo di Cevrain, debitori del Convento B.V. delle Grazie di Valvasone (ASU CRS 833); 1816, ai 5 di Fevrâr Maria Cherubin di Giuseppe pittore di Valle, nata a Godega nel 1793, sposa Giacomo Pavan di Gaspare macelajo, nato a Valle nel 1785 (A.P. S. Martino di Valle di Cadore).

Cherìn

Cognon istrian di Triest, difondût ancje te zone di Gurize, che al ven dal non istrian Cherin / Chirin che al è une derivazion di Quirinus (Bonifacio 2010, 588).

cognons