Al è il non di persone Cjàndi “Candido" che une volte si scriveve Chiandi, cu la zonte dal sufìs incressitîf -òt, come in Candotti. Il furlan Cjandòt (scrit Chiandot) al è stât italianizât cun Chiandotto.
Tal Schedari Corgnali: 1407 Chyandotti textoris de Porta Chusignaci a Udin; 1429 Chiandot di Pup de Muglese; 1491 Johannes Chiandottus de Preono; 1527 Quarin Chiandot de Antisans; 1529 Zorzi Chiandot a Verzegnis; 1533 Piero Chiandot de Giemona.
Si lu cjate a Codroip, Muçane, Puart (1724 Gio Domenico Chiandotto notaio), Cordovât, Tierç di Aquilee, Domanins.
fonts
1703 Mistro Marc’Antonio Chiandoto, dedupato della Confr. di Sant’Antonio Abbate di Bagnarola (ASU CRS 23); 1724 Gio Domenico Chiandotto (o Chiandotti) notaio di Portogruaro (AB); 1751 Antonio Corrado d.° Chiandotto, fittuale in Muscletto dei nobb. Colloredo (ASU Perusini 693.6); 1960 Bruno Chiandotto di Domanins, oriunt di Vilegnove di Fossalte (Luchini, 1982).