Al à a ce fâ cu la peraule taliane citto “zovin" che e je ancje in cualchi dialet. Olivieri 1923 al ricuarde il trevisan antîc cita “zovine". No je di escludi la forme aferetiche di un non di persone, par esempli (Lurin)cìt, diminutîf di Lurìnç “Lorenzo", cu la zonte dal sufìs -òs che al è ancje in altris cognons tant che Bertossi, Linossi, Bottòs, e vie indenant. Infin, al è di ricuardâ il furlan cit, "pignatut". Cognon tipic di San Zorç di Noiâr; al è a Porpêt e a Cjarlins.