Si lu cjate a Prât di Cjargne. Tal Schedari Corgnali: 1551 Zuan Cleuter della villa de Plungernia [= Pieria]; 1938 Clauter 6 fameis a Prât di Cjargne. Cleuter al jere difondût a Davai: 1471 Micolinus e Pascholus Cleuteri Fratres de Avaleo (ASU Perusini 728.6); 1477, ai 13 di Setembar Pascolo Cleuter e Pietro Dordean di Trava, arbitri lite (Lauco, 2003); 1497, ai 13 di Jugn divisione tra Pietro e Francesco f.lli q. Miculino Cleuter di Avaglio (nodâr Flumiano); 1505 Leonardo figlio di Domenico della Comina q. Franc. Cleuter della Comina di Avaglio (ASU nodâr Nic. Ianis); 1506 Piero Cleut (o Cleuter) d’Avaglio (Corgnali); 1586 si sposa Anna Chleuteri di Avaglio (A.P. Lauc).

Al ven dal omonim centri abitât dal Cjanâl da la Ciline. Chest cognon al è difondût a San Lenart (Montreâl) dulà che, par Altan 1993 al è clâr che la famee Claut, e ven di Claut, pal apont, e di chest al à la prove documentade par vie che, par solit, tai documents, cheste famee e jere clamade da Claut (1590: Zenon Olivi da Frisanco e Daniele da Claut in loco ditto Roveredo…)". Al è presint ancje a Puart. No escludìn che il cognon Clauti che al è presint a Udin al puedi vê cheste origjin. Nol è di confondi cul significât di "çuet" che in cualchi document scrit par latin al è ripuartât tant che claudo o alc di simil; par esempli, tal 1562 a Tramonç Disore Petrus quondam Leonardi à Claudo al vûl dî "dello Zoppo", dal çuet (come tal cognon une vore difondût Del Zotto), e no “di Claut" (De Stefani 2003, 163; CI 488). A Midune al è il toponim Casa Claut (IGM).