Cognon presint a Dartigne (li dongje, a Glemone, un Nicolaus Clama tal 1380), Magnan, Paulâr, Grau e Udin. Tal Libri dai Matrimonis de Plêf di Osôf o vin cjatât un Zuanne Clama d’Artegna tal 1701.
Par Dartigne e Magnan o pensìn che al vegni di Clàme, il non di une localitât e di un riul; cussì al ripuarte Desinan (Dartigne, 1972): Ancje se tal document plui antîc si fevele dal ronc, il prin lûc che al à vût non Clama al è stât dal sigûr il riul, e bielzà tal 1257 une famee nobile dal puest e veve cjapât chest non, che al è ancjemò vîf. Il riul al ven jù dal Faêt, al passe pal borc cul stes non, che al è a Est di Vile, daspò al va par sot de Pontebane, al cor te zone diluvionâl e si bute tal Bosso intune regjon traviersade di tancj canâi. Al pues derivâ dal gjermanic Klamm “gole, orôr, strete”. In altris câs si pues fâ buine la propueste di Merkù 1982 che al fasarès derivâ chest cognon dal sloven Klama “om imberdeât, malsigûr”.
Scaramuzza 2001 al sclarìs ben la storie di une famee Clama rivade a Grau tal Votcent: a jerin di Dartigne, ma a vignivin ca di Sant Andrât.
A Buri i toponims Casa Clama e Casale Clama (IGM).
fonts
1272 d.ni Hermanni q. de Clama a Glemone (Corgnali); 1322, ai 6 di Dicembar Furtino f. di D.no Manuso di Clama de Artegna compra prato per 100 duc. da Vidiano f. di Fulcit di Artegna (ANU 3224); 1355, ai 21 di Zenâr Manusio q. Stefano de Clama di Artegna – teste in Tavagnaco (ANU 4983); 1416 Uliana q. Nicolay Glama de Segnaco (Corgnali); 1503, il prin di Fevrâr Margatussia Clama di Gio. de Artegna – elenco suo corredo portato a casa del marito m.° Donato Citorio Cividal: 7 lenz. di stoppa – 2 pellicce – 2 vestiti di pelli d’agnello – 2 rasadori – 2 mantili – 4 camesotti – 4 camise de sotto di stoppa – 1 cam. Scavezzata di lino – 7 fassioleti di lino da capo – 9 libbre lino – 20 azze crude di stoppa – L. 5.10 (ANU 729); 1694, ai 9 di Setembar Bernardino Clama di Pietro di Artegna condannato a 2 anni carcere da farsi nel convento Minori osserv. Madonna della Grazie Gemona (Filze); 1718 muore a 32 anni, in odore di santità, don Marcantonio Clama udinese. Costanza d’animo, esercizio delle più edificanti virtù, esempio di vera e dura penitenza nel Monastero Cistercense di Casamari (AB); 1718 Antonio Clama q. Zuane di Artigna fittuale Sigg. Popaite (ASU Popaite 8.2); 1732, ai 7 di Avost Ser Gio. Batta Clama oriundo da Artegna abit. in Favuiis – sua figlia donna Maria ritira l’opposiz. al matrim. di ser Zuane di Giac. Clama suo parente in duplicato 3° grado (Civilium); 1736 Marc’Antonio Clama notaio da Artegna (ASU): chest, a Dartigne, al è il prin di trê nodârs di non Clama, l'ultin al à fermât di lavorâ tal 1807; 1742 Rev. Antonio Clama Pievano di Perteole (ACAU 732/1); 1778, ai 22 di Mai Lazzaro, Pietro e Giacomo Clama f.lli q. Giac. pubblico perito da Paularo prendono a livello £ 200 da Confr. Rosario e 143 da Confr. S. Giuseppe di Tolmezzo (ACR 523 Instr.); 1786 Sig. Vicenzo del Sig. Bernardino Clama, cameraro Fraterna di S. Antonio da Padova di Magnano (ASU CRS 254).