Al è un dai tancj derivâts dal non di persone Nicolò che al veve lis variantis Colào (furlan Culàu) e Colavo; culì al è cul sufìs dispreseatîf -àt. Tal Liber anniversariorum dal Cjapitul di Concuardie si à une Menia detta Culavata (Stival, 1989). Tal Schedari Corgnali: 1540 Valentino Colavratti a Teôr; 1586 Vincentius Colavattus (ancje Colovatto) a Percût. La forme Collovati e je tipiche di Teôr; si le cjate ancje a Monfalcon e a Pordenon. Collovatti al è a Monfalcon.