Forme sincopade di Corradazzo, incressitîf dal non di persone Corrado.
Al è presint massime a Stevenà di Cjanive (te variante locâl al è Cordath) dulà che al è documentât dal Cinccent (N. Petris, informazion personâl).
fonts
1597, ai 21 di Zenâr Domenico e Alessandro Cordazzi da Stevenà di Caneva accusati di simulazione di sacerdozio (ACAU Inq. pr. 307); 1578 e nas a Stevenà Elena Cordazzo fie di Battista (Luchini, 1997); 1612 Dom.co Cordazo da Polcenigo (Corgnali); 1741, ai 2 di Mai don Matteo Cordaz (o Cordazzo) da Stevenà di Caneva di Sacile – il padre Sebastiano gli fa patrim. eccl. rendita annua duc. 52, 1745, ai 17 di Novembar va coop. in dioc. Belluno (Filze); 1824 Giuseppe Cordazzo detto Martin di Valentino da Dardago, sposa Anna Maria Botteon di Antonio da Cavolano (A.P. Sacîl).