Pe prime part, viodi Boschiàn. Pe seconde part, Cuch, si podarès pensâ al furlan cuc, par talian “cuculo", ma ancje al non che si da al om che al va a stâ te cjase de femine: in cheste maniere a son vignûts fûr une vore di sorenons di personis e di fameis. Al è un cognon di Davian.

Cuc al vûl dî " uciel grîs e blanc cu la code lungje, che al fâs l'ûf tal nît di chei altris uciei". La peraule e je une vore vive te frase lâ in cuc che e vûl dî di un om che al è lât a stâ te cjase de sô femine. Di chi a puedin jessi vignûts fûr une vore di sorenons. Tal Schedari Corgnali: 1323 Jacobo Cuche a Glemone; 1344 Cucheto q. Vodorlici a Feagne; secul XIV Cuchetus de Clauto; 1475 Bertholottum filium Stephanj del Cuch de Gaglano. Tal 1426 Giovanni Cuco a Martignà (Biasutti). Tal 1682 Giac. Cucco di Palazzolo, fitt. Coo. Colloredo (ASU Colloredo-Mels 24.261). Al è presint a Davian come Boschiàn-Cuch.