Cúcovaz (in principi, Cúcavaz) al jere un cognon tipic di Mersin (comun di Pulfar): 1614 Pietro Quqauaz de Mersino; 1623 Simon Cucauaz de Mersino, e vie indenant. Di culì al è rivât jù te val e po tal Cividalês. Il cognon si identifiche cul zoonim sloven kúkavec, che une volte al faseve part dal repertori dialetâl locâl e che al indicave une fate di tarme o di vier. Duncje, in origjin, al jere un sorenon scherçôs dât a une persone che e veve cualchi cualitât tipiche de tarme, o di un vier, e dome intun secont moment al è deventât un cognon. (Zuanella, Dom, 10, 1996).