Forsit tant che Zanìn (viodi). In ciertis areis dal Friûl ocidentâl, e in tantis dal Venit, il z- sonôr si pronunzie dh (sun interdentâl dit “fricatîf sonôr"); par esempli dhal “zâl", dhenèr “Zenâr", dhenòle “zenoli", e v.i. Cualchi volte chest sun si disvilupe in d- (dhuóiba / duóiba “joibe") e nol è di escludi che il scrivan al vedi doprât la letare d- par voltâ in maniere grafiche il sun dh-. Presint a Davian (tal furlan locâl al esist il sun dit parsore e si pues notâ la sô evoluzion bande d-). No si esclût une forme aferetiche di Zordanìn, diminutîf dal non talian Giordano. Tal 1693 M.° Jacomo Danin di Gradisca, fittuale Chiesa S.ta Andrea di Mossa (ACAU 717/4).