In principi si sarà riferît, tant che sorenon, a une persone basse di stature.
Carateristic di Muçane; si lu cjate ancje a San Zorç di Noiâr, Çarvignan, Bresse (Cjampfuarmit) (chi al è rivât tal 1928 cun Pietro del Piccolo nassût a Muçane tal 1890), Purcie, Lavorêt, Pordenon.
Intal Schedari Corgnali: 1586 Emanuello del Pizzul a Gjalarian; 1742 Del Piccolo a Lavorêt; 1938 Del Piccolo 7 fameis a Lavorêt.
A Grau la forme Delpiccolo: “I Delpiccolo, muredôrs o miôr spicepieris o taiepieris, a rivin a Grau inte seconde metât dal 1800 di S. Pieri dal Teritori e di Çarvignan, ma ducj i doi i brancs a son origjinaris di Muçane. Di cheste localitât, di fat, si son movûts tal principi di chel secul par lâ daûr di un predi lôr parint, don Giacomo Delpiccolo, prin plevan a Bielvedê e po a S. Pieri dal Teritori… (Scaramuzza, 2001).
fonts
1616 Lonardo del Pizolo (o del Piccolo) de Morsano di Strada (ACAQ 894); 1633 Zanin et Bidin figlioli del q. Zuanne del Piccolo di Rivignan già fittuali nobb. Colloredo (ASU Perusini 548.2); 1647 Bidin del Piccolo di Pucinia fittuale nobb. Colloredo (ASU Perusini 691.11); 1659 Zuane del Picolo huomo del Comun di Muzzana (ASU Perusini 756.3); 1680 Eredi q. Giacomo q. Lorenzo del Piccolo di Muzzana, fittuali Fraterna di S. Valentino (ASU CRS 295/1); 1722 Ser Valantino del Piccolo, cameraro Confr. del SS.mo Rosario di Muzzana (ASU CRS 295/1); 1729 Zuane di Bernardo Del Piccolo q. Gio. Domenico q. Bernardo q. Gio. Domenico q. Bernardo da Muzzana sposa Flora di Gio. Batta Del Piccolo pure da Muzzana (Filze).