Al sarès une cognominizazion che e ven des squadre del sal cussì clamadis, che sot de Republiche di Vignesie a vevin il compit di impedî il cuintribant di chest prodot, o pûr un sorenon dât a cualchidun che al produseve, al vendeve o al cuintribandave sâl (Gover e Castellarin, 1994). Al è difondût a S. Michêl e a Tisane; presint ancje a Lignan, Bibion, Cisarûl, Maran, Morsan di Strade, Perteade, Blancjade (Palaçûl), Pucinie, Rivignan, Roncjis, S. Filip (S. Michêl), Vildivar, Vilegnove (Fossalte), Pordenon (1513 Piero del Sal).