Vore, une volte, al voleve dî “zornadîr agricul". Vuê al à mantignût il significât di “lavôr, opare". Jessi di vore al podeve volê dî “vê la etât par lavorâ", dai di vore al vûl dî “lavorâ di buine voie", dâ di vore al vûl dî “dâ lavôr", e v.i.
A Glemone tal 1379 Iacobus filius Stephani dela Vura.
Il “nît" dai Di Vora al è cun probabilitât Çurçuvint (1653 Gio. Pietro di Zuane q. Leonardo di Vora; 1692 notarius Joannes di Vora) che, tal 1940, su 1198 abitants, al veve 54 fameis cun chest cognon (Quarina, 1940).
Lis atestazions dal Cinccent cjapadis dal Schedari Corgnali (1512 Gasparino di Sotto Vora de Cercivento Sup.; 1526 Gaspar di Sot Vora de Cercivento Sup.) a lassin però viertis ancje altris interpretazions.
Si lu cjate ancje a Davâr, Comelians, Udin.
Tant che sorenon al è documentât (A. Roia) ancje tal Cjanâl Pedarç: 1782 Odorico qm. Lorenzo Cleva di Vôra.
fonts
1638 Pietro Di Vora notaio da Cercivento (ASU); 1653 Gio. Pietro di Zuane q. Leonardo Di Vora da Cercivento sposa Maria Morassi (Filze); 1678 Giovanni Di Vora notaio da Cercivento (ASU); 1721 Nadal di Vora della Villa di Comeglians di Cargna (al jere a stâ in provincie di Pordenon) fittuale nobb. Panigai (ASU Panigai 128.5); 1721 Giovanni di Filippo De Vora q. Giovanni q. Giovanni q. Martino da Cercivento sposa Caterina De Rivo (Filze); 1724, ai 13 di Setembar da Vinaio si chiede licenza per il curato don Gio. Batta Adami di esorcizzare Domenica Di Vora, maleficiata ed energumena – già esorcizzata, si chiedono maggiori facoltà e di usare oltre al rituale, altri libri non proibiti (Filze); 1734 Nadal di Vora, cameraro della Fraterna di San Gregorio di Mieli (ASU CRS 284 bis); 1760 Gio. Batta di Antonio Di Vora q. Natale q. Domenico da Comeglians sposa Sabbata di Giacomo Iacob da Povolaro (Filze).