Di un non gjermanic (Dienstmänner) che, te Ete di Mieç, si riferive ai ministeriales “incargâts di uficis e di servizis te cort di un grant siôr (par esempli il Patriarcje di Aquilee)", o ancje “un di chei che a fasevin part des corporazions dai artesans" (Zingarelli). Al è iluminant, par chest cont, un document dal 1213: dicte persone recepte et colaudate in ministeriales seu denesmanos cun omni posteritate ("Pagine friulane", n. 1, 1895). Viodi ancje Gismano. Intal Schedari Corgnali: Gisinan = Disnan; 1341 Auliverio filio Gisini de Sancto Quirino a Aquilee; 1405 Joh. Gisiluti a Dartigne; 1575 Colaus Gisinani a Cussignà; 1639 Pietro Gisnano a Cussignacco; 1800 Disnan presints a Çuian, Cussignà e Udin. Il cognon al è ben rapresentât a Udin.