Scrit ancje Ersettig, al è une variante di Orsettig (viodi). Chescj doi cognons, che si cjatin e cualchi volte a coesistin in cualchi comun dal Cividin, a cjatin spiegazion intal non di persone Orsetto, documentât in plui localitâts intai secui XIV-XVI (al è ancje il cognon Orsetti). Il sufìs -igh al è chel tipic dai cognons slovens che, in dì di vuê, si scrîf -ič. Intal 1877 Ersettig a Gurize(Corgnali); in dì di vuê inte stesse citât o cjatìn Ersetic, Ersetig, Ersettis, Erzetti (chest ancje a Fare), Erzettig. Intal 1688 don Blasius Ersetti de Illegio Carnee al è predi (ACAU).