Il cognon Filèj al è difondût in Slovenie cu lis formis Fili, Filli e Filèj, ma al jere presint dal Sîscent a Landri (Pulfar), dulà che al è sparît di timp. Te zone di Vernassin (San Pieri dai Sclavons) si è conservât fin a cualchi an indaûr cu la forme Fília che e va indaûr al secul passât. Al derive dal non di persone (e di sant) Philippus (fur. Filip), de forme contrate Fil cu la formante -ej (Zuanella, Dom, 22, 1993).